Бүгін музейде қазақ Мемлекеттік, саяси және қоғам қайраткері, тәуелсіз және біртұтас Түркістанның идеологы, Түркістан автономиясының екінші министр-төрағасы, Алашорда үкіметі халық кеңесінің мүшесі Мустафа Шоқайдың туған інісі, саяси қуғын-сүргіннің құрбаны болған Мұртаза Шоқайдың ұрпақтарынан “Ұрпақтар еске алады” атты жоба үшін арнайы сұхбат алынды.
Сондай-ақ, Мадина Шоқайдың келіні Роза Рахымжанқызының жинақтаған фото-құжаттар, мақалалар мен кітаптар тапсырылып, музей қоры жаңадан жәдігерлермен толықты.
Музей қонақтары: Нұртаза Шоқайдың ұрпақтары Серікбай Шермахан, Дүйсенбай Нуриев, Жаңабай Шермаханович, Роза Рахымжанқызы мен Айгул Сейтмуратқызы.
Сұхбат алған: Саяси қуғын-сүргін құрбандарын толық ақтау жөніндегі Мемлекеттік комиссияның Шымкент қалалық жұмыс тобының Дәстүрлі дін өкілдері — саяси қуғын-сүргін құрбандарын ақтау үшін зерттеу, қорытынды және ұсыныстар дайындау жөніндегі бағыттың жетекшісі, Шымкент қалалық саяси қуғын-сүргін құрбандары музейі директорының орынбасары, ҚР Мәдениет қайраткері Серікбаева Гүлмира Алдоңғарқызы.
Саяси Қуғын-сүргін Құрбандары Музейі
